MYA Real Estate (myaproperty.com.mm) ဝဘ်ဆိုက်နှင့် မိုဘိုင်းဝန်ဆောင်မှုများကို အသုံးပြုခြင်းအားဖြင့် သင်သည် ဤဝန်ဆောင်မှု စည်းမျဉ်းများကို အပြည့်အဝ ဖတ်ရှု၊ နားလည်ပြီး သဘောတူညီပြီးဖြစ်သည်ဟု မှတ်ယူပါသည်။ ဤစည်းမျဉ်းများနှင့် သဘောမတူပါက ဝန်ဆောင်မှုများကို အသုံးမပြုရန် မေတ္တာရပ်ခံပါသည်။

MYA သည် မြန်မာနိုင်ငံအတွင်းရှိ အိမ်၊ ခြံ၊ မြေ၊ ကွန်ဒို၊ စီမံကိန်းသစ်များ ရှာဖွေသူများ၊ ပိုင်ရှင်များနှင့် အသိအမှတ်ပြု အိမ်ခြံမြေ အကျိုးဆောင်များကို တိုက်ရိုက်ချိတ်ဆက်ပေးသော သတင်းအချက်အလက် ပလက်ဖောင်း ဖြစ်ပါသည်။ ပလက်ဖောင်းပေါ်ရှိ အချက်အလက်များ တိကျမှန်ကန်စေရန် အစွမ်းကုန် စိစစ်ထားပါသည်။

အသုံးပြုသူများသည် အကောင့်ဖွင့်ရာတွင် မှန်ကန်သော အမည်၊ ဖုန်းနံပါတ်နှင့် အီးမေးလ်တို့ကို အသုံးပြုရပါမည်။ သင်၏ အကောင့်စကားဝှက်နှင့် လုံခြုံရေးကို ကိုယ်တိုင် ထိန်းသိမ်းရမည်ဖြစ်ပြီး၊ မသမာသော နည်းလမ်းဖြင့် အသုံးပြုမှုများကို ချက်ချင်း အကြောင်းကြားပေးရပါမည်။

အိမ်ခြံမြေ ကြော်ငြာတင်သွင်းသူများသည် အမှန်တကယ် ရောင်းရန်/ငှားရန် ရှိသော တိကျသည့် ဈေးနှုန်း၊ ဓာတ်ပုံနှင့် အချက်အလက်များကိုသာ တင်သွင်းရပါမည်။ မမှန်မကန် သတင်းအချက်အလက်များ၊ မူပိုင်ခွင့်မဲ့ ဓာတ်ပုံများနှင့် အများပြည်သူအား အထင်အမြင်လွဲမှားစေသော အကြောင်းအရာများကို တားမြစ်ထားပါသည်။

MYA ဝဘ်ဆိုက်တွင် ဖော်ပြထားသော ဒီဇိုင်း၊ လိုဂို၊ အမှတ်တံဆိပ်၊ စာသားနှင့် ဆော့ဖ်ဝဲလ် အချက်အလက်များအားလုံးသည် MYA Real Estate ၏ မူပိုင်ခွင့်များ ဖြစ်ပါသည်။ ခွင့်ပြုချက်မရှိဘဲ ကူးယူဖော်ပြခြင်း၊ ပြုပြင်မွမ်းမံခြင်း သို့မဟုတ် စီးပွားဖြစ် ပြန်လည်ဖြန့်ဝေခြင်း မပြုလုပ်ရပါ။

MYA သည် အရောင်းအဝယ်ပြုလုပ်သူ နှစ်ဦးနှစ်ဖက်အကြား တိုက်ရိုက်သဘောတူညီချက်များ၊ စာချုပ်ချုပ်ဆိုမှုများနှင့် ပတ်သက်၍ အငြင်းပွားမှုများအတွက် တိုက်ရိုက် တာဝန်မရှိပါ။ ဝယ်ယူသူနှင့် ငှားရမ်းသူများသည် စာချုပ်မချုပ်ဆိုမီ ပိုင်ဆိုင်မှု စာရွက်စာတမ်းများကို သေချာစွာ စစ်ဆေးရန် အကြံပြုအပ်ပါသည်။